Градоначалникот на Општина Центар, Горан Герасимовски, реагираше поради возило на странски дипломат кое било паркирано на плочник во централното градско подрачје.
„Дипломатите, исто како и сите други граѓани, мора да ги почитуваат правилата за паркирање во Центар. Испративме протестна нота до Амбасадата на Австрија поради возило паркирано во пешачката зона на Капиштец“, истакна Герасимовски.
Тој додаде дека ваквите постапки се во спротивност со сообраќајните прописи и може да го загрозат јавниот ред и безбедноста. „Дипломатските ознаки не се изговор за непочитување на правилата. Почитувањето на локалните закони е задолжително за сите“, подвлече градоначалникот.
Герасимовски изрази уверување дека со меѓусебно почитување и соработка со дипломатската заедница ќе продолжи градењето на добри односи и разбирање меѓу институциите, во интерес на безбедноста на сите жители на Центар.
