Фото: Принтскрин
Судскиот процес за трагичниот случај со малата Данка Илиќ продолжува да носи нови детали. На последното рочиште, лицата обвинети за нејзината смрт повторно застанаа зад своите тврдења дека немаат вина, оспорувајќи го начинот на кој биле испрашувани во текот на истрагата.
Срѓан Јанковиќ во своето излагање се осврнал на денот кога девојчето исчезна, тврдејќи дека и самиот бил вклучен во потрагата. Според неговата верзија, добил повик од претпоставен и заедно со колегите се упатил кон местото каде што се трагало по Данка. Тој, сепак, негира дека имал каква било врска со нејзиното исчезнување.
Другиот обвинет, Дејан Драгијевиќ, пред судот изнел тврдења за постапувањето на полицијата по неговото приведување. Во својата одбрана зборувал за наводни притисоци и за ситуации во кои, како што тврди, од него било барано да посочува одредени места поврзани со случајот, иако ги оспорува изјавите што претходно му биле припишани.
Двајцата обвинети тврдат дека не биле виновни и дека исказите дадени во претходната фаза од постапката не ја одразуваат нивната вистинска волја.
