На профилот на „Студентаријамк“ беше објавена фотографија каде што може да се забележи дека возач на ЈСП Скопје покажува среден прст, а во објавата се тврди дека возачот не сакал да застане на постојка и притоа направил срамен потег.
„Силно го осудуваме недоличното и срамно однесување на возач во Јавното сообраќајно претпријатие Скопје, кој утрово не застанал на една од предвидените постојки за студентите и останатите патници да се симнат, по што ги навредувал и им покажувал среден прст.
Во сандачето за пораки на Студентарија утрово добивме повеќе информации и фотографии од настанот.
Овој инцидент е уште еден пример за тонењето на претпријатието надлежно за функционирањето на јавниот превоз во главниот и најголем град во Македонија“, се вели во нивната објава на Инстаграм.
ЈСП Скопје се наоѓа во хаотична состојба со месеци поради тоа што нема доволно автобуси, а граѓаните долг период се жалат дека возилата на претпријатието воопшто и не се појавуваат на постојките.
Извор: СтудентаријаМК
