Вчера вечер на граничниот премин Евзони се создаде сериозен метеж откако, според информации споделени од патници, гром удрил во електроенергетскиот систем на преминот непосредно пред 21 часот.
Според сведоштва објавени во Фејсбук групата „Грчка инфо“, невремето предизвикало прекин и потешкотии во работата на дел од службите на граничниот премин, што довело до значителни задржувања и забавено движење на возилата.
Патниците наведуваат дека резервните агрегати се ставени во функција, но нивниот капацитет не е доволен за непречено работење на целокупната опрема. Поради тоа, обработката на патниците се одвива отежнато, а дополнителни проблеми создава и нестабилната интернет-конекција.
Голем број граѓани кои вчера вечер планирале да ја поминат границата изразиле незадоволство и загриженост.
Веста ја пренесува Skopje1.mk
