Во центарот на Ресифе, во бразилската држава Пернамбуко, се случи неочекуван и емотивен настан кога 28-годишната Табата Регина Фереира де Лима дошла во продавница за бебешка опрема за да купи работи за новороденче, но завршила со породување токму таму.
Според информации споделени на социјалните мрежи, контракциите започнале нагло и многу силно, а бебето се родило за помалку од пет минути, во самиот објект. Вработените во продавницата реагирале брзо и ѝ помогнале на мајката сè додека не пристигнала итната медицинска служба (САМУ).
По породувањето, мајката и новороденчето, кое го добило името Жоао Педро, биле пренесени во Поликлиниката и Матемитетот „Професор Барос Лима“ во северниот дел на градот. Според лекарските информации, двајцата се во добра здравствена состојба. Ова е петтото дете на Табата.
Настанот брзо се прошири на интернет и предизвика голем број реакции и емоции кај јавноста. Како гест на поддршка, персоналот на продавницата одлучил да ѝ подари целосен комплет бебешка опрема на мајката и новороденчето.
Случајот останува запаметен како необичен и силно емотивен момент што ги изненади сите присутни.
Веста ја пренесува Centraldosfatosoficial.
