На една од улиците во Нови Пазар, Србија, се случи инцидент во кој двајца малолетници паднале додека се возеле на електричен тротинет, што повторно го отвори прашањето за безбедноста и потребата од подобра регулација на ова сè поприсутно превозно средство.
Според видео кое се споделува на социјалните мрежи, двете лица се возеле заедно на еден тротинет, по што изгубиле рамнотежа и паднале на коловозот. Засега нема официјални информации за тежината на повредите, но се претпоставува дека поминале без посериозни последици.
Граѓаните имаат поделени ставови – дел сметаат дека електричните тротинети се практични за урбано движење, додека други предупредуваат на зголемениот број незгоди, особено кога ги користат малолетници и кога не се почитуваат основните правила, како што се носење кацига и возење само на едно лице.
Веста ја пренесува Sandzakalert.
