Храбар 34-годишен мотоциклист се изложил на сериозна опасност за да спаси 12-годишно девојче кое било нападнато од голем рој пчели во градот Ибирите, во бразилската сојузна држава Минас Жераис.
Инцидентот се случил на14 септември, кога девојчето, според извештаите, било опколено од рој и претрпело повеќе од 100 убоди.
Винисиус Мартинс де Паула случајно се нашол во близина и веднаш решил да помогне. Без да размислува за сопствената безбедност, се приближил до девојчето и успеал да ја извлече од опасноста.
При спасувањето, храбриот мотоциклист и самиот бил нападнат од пчелите и претрпел околу 40 убоди.
Неговата постапка подоцна била јавно наградена. Како признание за храброста и интервенцијата, Винисиус добил автомобил и мотоцикл.
Случајот предизвика внимание во Бразил, особено поради ризикот на кој се изложил мотоциклистот за да му помогне на детето.
Веста ја пренесува Theonlinecitizen.
