Фото: Принтскрин
Видео со вознемирувачка содржина, на кое е прикажан насилен инцидент во Гостивар, предизвика бројни реакции на социјалните мрежи. Снимката беше споделена од новинарката Лиридона Вејсели, која претходно предупреди дека материјалот содржи сцени на физичко насилство.
Според она што може да се забележи на видеото, едно лице е изложено на повеќекратни удари, а насилството не запира ниту откако мажот паѓа на земја и не покажува видлив отпор.
Во овој момент не се познати околностите што довеле до инцидентот, ниту има официјална потврда за здравствената состојба на повреденото лице. Исто така, не е утврдено кога точно е снимена снимката, ниту на која локација во Гостивар се случил настанот.
До објавувањето на оваа информација, нема официјално соопштение од полицијата, ниту потврдени детали од надлежните институции. Се очекува истрагата да ги утврди сите околности на случајот, како и идентитетот и евентуалната одговорност на лицата инволвирани во инцидентот.
Веста ја пренесува 24chasa.mk
