Дваесет и тригодишната Анастасија, ќерка на Невена Хот, која во минатото беше дел од српските ријалити програми, трагично го загуби животот во тешка сообраќајна несреќа што се случила во населбата Борча.
Според првичните информации, несреќата се случила во раните утрински часови, околу 1:30 часот, кога автомобилот „Фиат“, управуван од младата девојка, излетал надвор од коловозот и со голема сила удрил во бетонски столб. По силниот удар, возилото се превртело и завршило на покрив.
По несреќата, Анастасија и сопатничката Д. Н. биле итно пренесени во Ургентниот центар. И покрај напорите на лекарите, 23-годишната девојка им подлегнала на тешките повреди.
Невена Хот е позната на српската јавност по своето учество во ријалити програмата „Парови“, а веста за смртта на нејзината ќерка предизвика бројни реакции и изрази на сочувство на социјалните мрежи.
Надлежните институции работат на утврдување на сите околности што довеле до трагичната сообраќајна несреќа.
Веста ја пренесува Newz24live.com
