Супер лесно и едноставно, а многу вкусно јадење за кое ви се потребни следните состојки:
2 ситно исечкани моркови
1 ситно исечкан кромид
2 ситно исечкани чешниња лук
1 лажица маслиново масло
100 г брокула (на помали парчиња)
115 г индиски ореви
400–500 г кафеав ориз
100 г грашок
соја сос (по вкус)
Подготовка:
Загрејте маслиново масло во тава и пропржете ги кромидот и морковите додека не омекнат.
Додајте го лукот и пржете уште една минута. Потоа, ставете ги индиските ореви и брокулата и гответе уште 5 минути на тивок оган, додека брокулата не омекне.
Посебно сварете го оризот и грашокот. Кога ќе се сварат, додајте ги во тавата со зеленчукот и оревите.
Прелијте го јадењето со соја сос по вкус, промешајте и послужете топло.
