Мусаката е популарно јадење на Балканот, кое често се погрешно смета за грчко. Всушност, потекнува од Блискиот Исток и ја донеле Османлиите. Денес, мусаката има повеќе варијанти, како македонска, српска, албанска, романска и бугарска.
Состојки:
3 средни модри патлиџани
3 компири
1 голем кромид
2 чешниња лук
700 гр мелено говедско месо
3 лажици маслиново масло
2 лажици доматна паста
260 гр доматен сос
1 чаша (240 мл) говедска супа или ½ чаша (120 мл) црвено вино
1 ловоров лист
Сол и бибер по вкус
½ лажичка цимет
1 лажичка мајчина душица
1 л млеко
120 гр путер
120 гр брашно
85 гр пармезан
½ лажичка морско оревче
2 жолчки
Растително масло за пржење
Начин на подготовка:
Исечете ги модрите патлиџани на парчиња со дебелина од 1 см и посолете. Оставете ги 30 минути, а потоа исплакнете и исушете. Излупете ги компирите и исечете ги.
Пржете ги парчињата модар патлиџан и компири додека не поруменат, па ставете ги на хартиена крпа за да се отстрани вишокот масло. Ако сакате полесна варијанта, печете ги во рерна со малку маслиново масло.
Загрејте масло во тава и пропржете го сечканиот кромид додека омекне, па додајте лук и динстајте уште неколку минути. Додајте го месото и гответе со постојано мешање додека не добие кафена боја. Зачинете со сол, бибер, цимет и мајчина душица. Додајте доматна паста, ловоров лист и говедска супа или вино и оставете да се готви додека не се згусне.
Загрејте го млекото. Во друга тава, растопете го путерот, додајте брашно и мешајте додека не добиете мазна паста. Полека додајте го топлото млеко, со постојано мешање за да не се формираат грутки. Кога сосот ќе се згусне, тргнете го од оган и додадете морско оревче, пармезан и жолчка.
Загрејте ја рерната на 180°C. Наредете слој компири во сад за печење, ставете половина од модрите патлиџани, па истурете ја смесата со месо и рамномерно распоредете. Додајте ги преостанатите модри патлиџани и прелијте со бешамел сосот, а одозгора посипете рендан пармезан.
Печете ја мусаката 40-50 минути, додека не порумени. Оставете ја да се излади најмалку 45 минути пред да ја послужите.
