Фото: Принтскрин
Министерството за дигитална трансформација активно развива нова мобилна апликација преку која граѓаните ќе можат да ги имаат своите документи – лична карта и возачка дозвола – во дигитален формат.
Апликацијата ќе нуди и пристап до најкористените и најновите услуги што ги обезбедуваат државните институции, информира министерот Стефан Андоновски.
„Работиме на платформа што ќе функционира како дигитален паричник, сличен на решенијата како Google Wallet или Apple Wallet“, објасни Андоновски.
