На територијата на општина Гази Баба, полициски службеници од СВР Скопје вчера привеле 37-годишен државјанин на Република Турција, со привремен престој во Скопје, поради сомневање за извршување на кривично дело.
Според соопштението од Министерството за внатрешни работи, приведувањето уследило по добиена пријава дека претходната вечер, околу 23:00 часот, во семејниот дом осомничениот физички ја нападнал својата 31-годишна сопруга.
Надлежните органи известуваат дека по завршување на истрагата и целосното документирање на случајот, против лицето ќе биде поднесена соодветна кривична пријава.
