Младата каратистка Анастасија Смилевска, член на карате клубот „Кун-су-то“ од Охрид, постигна значаен успех на Државното првенство и плејоф натпреварите што се одржаа во Скопје на 15 декември 2024 година.
Со импресивна серија победи во сите мечеви, таа го обезбеди своето место во Македонската младинска карате репрезентација.
Овој успех ѝ отвора врата за меѓународна сцена, каде што во февруари 2025 година ќе ја претставува Македонија на Европското карате првенство во Полска во категорија – кадетки до 61 килограм.
Првенството, организирано од Светската карате федерација, претставува престижен настан на кој се натпреваруваат најдобрите млади каратисти од целиот континент.
