На 19 декември 2024 година, во 23:40 часот, полициски службеници од Полициската станица за гранични проверки и надзор „Блато“ забележале две лица на периферијата на Дебар кои се движеле во правец кон Република Албанија.
При обид да ги запрат за идентификација, двете лица употребиле огнено оружје, испукувајќи неколку куршуми кон полицајците. Полициските службеници возвратиле на нападот, по што осомничените побегнале.
Во моментов се преземаат интензивни мерки за утврдување на идентитетот на лицата и целосно расчистување на случајот.
