Бојан Јовановски преку своите профили на социјалните мрежи информира дека поради влошена здравствена состојба го откажува гостувањето во поткастот на Стефан Лазаров, кое беше закажано за утре.
Јовановски посочи дека неодамна се соочил со сериозни здравствени проблеми и значителен стрес, поради што бил принуден да се повлече од јавните активности. Покрај откажаното гостување, тој веќе се повлече и од организацијата на најавената голема наградна игра во соработка со Лазаров.
„Здравствената состојба и претрпениот стрес ме принудија да ги одложам сите обврски и да се фокусирам на моето закрепнување. Ви благодарам за разбирањето и поддршката,“ напиша Јовановски на своите профили.
