Премиерот на Република Македонија, Христијан Мицкоски, во интервју за ТВ21 изјави дека поранешниот прв вицепремиер Артан Груби, заедно со уште едно лице, ја напуштил државата и заминал за Косово.
Мицкоски тврди дека Груби го направил тоа користејќи возило со дипломатски регистарски таблички.
„Според моите информации, поранешниот директор на Државната лотарија веќе подолг период не се наоѓа во земјата. Исто така, вчерашниот ден, поранешниот вицепремиер, заедно со еден бизнисмен, со возило со дипломатски таблици ја преминале границата и заминале во Косово“, изјави Мицкоски.
Груби претходно се јави на социјалните мрежи каде што посочи дека не е во бегство, туку во приватна посета во Косово.
