Седуммесечно бебе почина синоќа на скопската Клиника за детски болести, потврди директорот на клиниката, д-р Реџеп Мемеди.
Тој ги демантираше првичните информации што се појавија во дел од јавноста, според кои бебето било наводно одбиено за хоспитализација и згрижено дури по 48 часа.
Во изјава за „Канал 5“, Мемеди нагласи дека детето било примено во исклучително тешка состојба со сериозни оштетувања на повеќе органи.
Во меѓувреме се јави и „Ина Многуфина“ со статус за тоа што се случува во здравството.
„Вчера починало седуммесечно бебе, првиот пат кога било однесено на клиниката било одбиено за хоспитализација, а било примено тек после 48 часа кога органите веќе му откажувале. За месец ипол на Клиниката за детски болести починаа пет деца. Со Онкологија тоа хоророт ич да не прашувам до кај е расплетот. Ќе влезе ли некој со сериозна истрага во Клинички или да се праиме дека се е ок и да не седиме на цементо?“, прашува таа.
