Министерот за здравство, Арбен Таравари, најави дека до крајот на годинава ќе биде распишан конкурс за трајно вработување на околу 1.100 лица од средномедицинскиот персонал во јавните здравствени установи низ целата земја.
Со оваа иницијатива, ќе се стави крај на практиката на вработување со договор на дело за овие категории на здравствени работници.
И покрај овој значителен чекор, недостигот од средномедицински кадар, како медицински сестри, болничари и лаборанти, останува голем проблем.
Според министерот Таравари, недоволниот број на овој вид персонал се чувствува насекаде низ државата, а информациите за ваквите недостаси редовно пристигнуваат од јавните здравствени установи.
