Сакал да му истераат „црна магија“, им платил 18.000 евра, па ги пријавил дека го измамиле

Жител во кочанско бил измамен за 18.000 евра, откако неколку лица го убедиле дека во неговиот дом има „црна магија“ и дека парите му се потребни за нејзино отстранување.

Според пријавата, лицата дошле во неговиот дом и го убедиле дека во куќата се наоѓа „црна магија“. Му кажале дека единствениот начин таа да биде отстранета е да им ги предаде парите што ги поседува.

Случајот бил пријавен во полиција на 24 септември, околу 23 часот, во ОВР Кочани.