Македонскиот кикбоксер Даниел Стефановски потпиша долгогодишен договор со најголемата светска кикбокс организација – Глори. Договорот, кој важи за период од две години, предвидува вкупно седум борби. Интересно е што првата борба ќе ја има во категоријата до 95 килограми, додека следните шест ќе бидат во категоријата до 85 килограми.
„Со огромна радост објавувам дека го остварив својот детски сон и потпишав долгорочен договор со Глори! Ова е ново поглавје во мојата кариера и живот, кое со нетрпение го очекувам. Благодарност до мојот тим, менаџерот, семејството и Глори за поддршката и оваа неверојатна можност“, сподели Стефановски на својот профил на Фејсбук.
Даниел ќе дебитира за Глори на 7 декември, во рамките на спектакуларниот настан „Глори: Collision 7“, кој ќе се одржи во Арнем, Холандија.
„Многу сум горд што сум првиот Македонец кој ќе се бори во Глори. Добро се чувствувам и со Господ напред одиме до победа“, кажа Стефановски за „Ипон.мк“.
