Фото: Принтскрин
Исплатата на К-15 за работниците во приватниот сектор веќе е започната, а минималниот износ што треба да го добијат годинава е околу 19.116 денари. Сумата е повисока во споредба со претходниот период поради зголемувањето на просечната плата во земјава.
Износот се пресметува според правилото регресот да биде најмалку 40 отсто од просечната нето-плата исплатена во последните три месеци. За пресметката годинава се земени платите од февруари, март и април, чиј просек изнесува 47.790 денари.
Право на К-15 имаат работниците од приватниот сектор кои имаат најмалку шест месеци непрекинат стаж кај истиот работодавач во текот на годината. Крајниот рок за исплата е 31 декември 2026 година.
