Фармацевтскиот гигант Џонсон и Џонсон понуди повеќемилијардна исплата со цел да стави крај на десетиците илјади судски постапки во Соединетите Американски Држави. Тужителите тврдат дека производите на компанијата кои содржат талк, меѓу кои и познатата бебешка пудра, се поврзани со зголемен ризик од развој на рак на јајниците.
Според наводите во тужбите, компанијата со години не ги информирала потрошувачите за можните здравствени ризици и не ги навела предупредувањата на декларациите на производите. Како дел од промените, Џонсон и Џонсон во 2023 година на британскиот пазар го замени талкот во бебешката пудра со пченкарен скроб.
Веста ја пренесува Канал 5 телевизија.
