Македонската пејачка Каролина Гочева откри една непријатна случка поврзана со нејзините настапи во Германија.
Иако концертите се одвиваат во одлична атмосфера и со силна поддршка од публиката, таа пред еден од настапите реши да ја сподели својата вознемиреност за ситуацијата која ја дознала неодамна.
„Пред неколку дена дознав за еден пример кој не е толку светол, а морам да го спомнам вечерва. Претпоставувам дека некои од вас ќе знаат за што ќе кажувам сега. Ова се случувало од пред неколку месеци, откако објавивме датуми за концертите низ Германија, но јас дознав пред неколку дена. Вечерашниот концерт бил постојано бојкотиран, се испраќале апели да не се присуствува вечерва. Ние тука шириме љубов, но мора да си кажеме што имаме. Притоа, бојкотот не е ни од Грци, ниту од Бугари, ниту од овие вчера што ни го газеле знамето, туку од македонско друштво од Дизелдорф. Малку сме и навистина е тажно да не се поддржуваме и да не се чуваме едни со други, а уште потажно и погубно, е што во еден ваков период, кога од толку многу страни сакаат да нè згазат, ние се газиме меѓу себе“, кажа пејачката.
Македонското друштво од Дизелдорф упатувало апели и закани да не се присуствува на концертот на Каролина организиран за Македонските иселеници во Дизелдорф
— Дете Лошо 🇲🇰 (@dete_loso) December 1, 2024
Каков гној од народ сме ние, петоколонаши чак и кога сме во дијаспора 👇 pic.twitter.com/2drNMyVbgO
