Турската актерка Небахат Чехре, која публиката ширум светот ја препознава како Валиде султан од хит-серијата „Сулејман Величествениот“, повторно ги освои симпатиите на јавноста. Овојпат причината не е нова улога, туку фотографија од летниот одмор што ја објави на социјалните мрежи.
Осумдесет и двегодишната актерка позираше во едноделен костим за капење, а нејзиниот изглед предизвика бројни позитивни реакции. Следбениците ја пофалија нејзината елеганција, витка фигура и самодоверба, истакнувајќи дека изгледа одлично и во деветтата деценија од животот.
Во описот на фотографијата, Чехре испрати едноставна, но силна порака:
„Најпрво грижи се за себе. Сѐ останато ќе дојде само по себе.“
Турските медиуми пишуваат дека актерката е пример за тоа како здравите животни навики и позитивниот однос кон животот можат да придонесат човек да изгледа и да се чувствува добро без оглед на возраста..
Во повеќе интервјуа таа нагласува дека не води битка со годините, туку настојува да живее здраво и да се грижи за себе.
„Не се плашам од стареењето. Сакам достоинствено да ги живеам годините што доаѓаат. Не му пркосам на времето, туку го почитувам своето тело и се трудам да водам здрав живот“, изјавила актерката.
Веста ја пренесува Espreso.mk
