На социјалните мрежи се појави видео кое прикажува полициски службеник како симнува албанско знаме поставено на бандера.
Во видеото се гледа како полицаецот го користи службеното комбе за да се искачи повисоко и да го дофати знамето, при што демонстрира умешност и снаодливост.
Овој потег предизвика голем интерес кај јавноста, а корисниците на социјалните мрежи го изразуваат своето одобрување преку бројни коментари и лајкови, нарекувајќи го полицаецот храбар и посветен на својата должност.
Заменик министерот за внатрешни работи, Астрит Исени, сепак преку објава на својот официјален Фејсбук профил, информираше дека ќе биде покрената дисциплинска постапка против полицискиот службеник кој го отстрани и фрли албанското знаме.
Во објавата, Исени нагласи дека ваквите дејства не се во согласност со професионалните стандарди и етичкиот кодекс на Министерството за внатрешни работи, истакнувајќи дека одговорноста и професионалното однесување се клучни за одржување на довербата на јавноста.
