Тешка сообраќајна несреќа се случила утрово околу 7 часот на патниот правец меѓу Ириг и Рума, при што животот го загубил возач на камион.
Според првичните информации, дошло до судир на два товарни камиона во правец кон Рума. По силниот удар, едниот камион бил зафатен од пожар, а возачот останал заробен во кабината и трагично го загубил животот.
Возачот на вториот камион бил извлечен благодарение на брзата интервенција на противпожарните и спасувачките екипи. Тој се здобил со тешки повреди и во животозагрозувачка состојба бил предаден на екипа на Итната медицинска помош.
Надлежните служби извршиле увид на местото на несреќата, а причините за судирот ќе бидат утврдени со истрагата.
Веста ја пренесува Kurir.rs
