Победникот на првата сезона од регионалното музичко шоу „Хајп ѕвезди“, Давид Груевски, се врати во Македонија, каде беше пречекан со голема радост и силни емоции по историскиот успех.
Дваесет и петгодишниот пејач од Јегуновце, Tетовo, го освои првото место во големото финале што се одржа во Белград, оставајќи силен впечаток кај жирито и публиката со своите извонредни настапи.
Во финалната вечер Давид ја изведе безвременската балада „Боже, чувај ја од зло“ од Тоше Проески, а потоа ја воодушеви публиката и со македонската народна песна „Море сокол пие вода на Вардарот“, со што уште еднаш ја претстави македонската музичка традиција на големата регионална сцена.
Неговото пристигнување во Македонија беше проследено со честитки, аплаузи и топол пречек од семејството, пријателите и бројни поддржувачи, кои го поздравија новиот музички победник.
Македонија имаше одлично претставување во ова натпреварување, бидејќи покрај Давид Груевски, меѓу наградените се најдоа и Слободанка Танева, која го освои третото место со 12 бода, како и Сања Тодоровиќ, добитничка на специјалната награда од жирито.
Веста ја пренесува Climentinesdiary.
