Пејачката Зорица Марковиќ сподели нови информации за здравствената состојба на Саша Поповиќ, креативниот директор на „Гранд“, кој поради здравствени проблеми веќе извесно време е отсутен од снимањата.
Според Зорица, Саша моментално е подложен на медицински терапии кои се прилагодуваат според препораките на неговите лекари. Таа истакна дека за време на третманите, често е придружуван од сопругата Сузана Јовановиќ, која му е голема поддршка.
„Редовно ги контактирам, но се трудам да не бидам наметлива. Сакам да знам како се, прашувам одвреме-навреме. Саша е на терапии, кои се прилагодуваат според потребите. Искрено се надевам дека сè ќе биде во ред. Тој е силен човек и верувам дека ќе го надмине ова“, изјави Зорица со оптимизам.
Поповиќ, кој со години е еден од највлијателните личности во музичката индустрија на Балканот, добива огромна поддршка од семејството, пријателите и соработниците.
