Солун конечно ќе го добие своето метро, по цели две децении работа и очекување. Новиот транспортен систем ќе биде официјално пуштен во употреба во сабота, на 30 ноември, а граѓаните ќе можат да патуваат од еден до друг крај на градот за само 17 минути. Цената на билетот е поставена на симболични 0,60 евра за еден час возење, што го прави метротo пристапен за сите.
Свеченото отворање ќе биде одбележано со голема церемонија, на која се очекува присуство на значајни политички и јавни личности. Премиерот на Грција, Кирјакос Мицотакис, ќе има чест да ја пресече црвената лента, означувајќи го стартот на новото поглавје во јавниот транспорт на Солун.
Овој проект, кој долго време беше во центарот на вниманието, не само што ќе го олесни секојдневното движење низ градот, туку и значително ќе придонесе за намалување на сообраќајниот метеж и загадувањето.
