Светиот архијерејски синод на Македонската православна црква – Охридска архиепископија (МПЦ – ОА), во својот постојан состав, на 26 ноември 2024 година одржа вонредна седница, на која го определи 28 ноември, со почеток од 9 часот, за погребението на блаженоупокоениот Митрополит Дебарско-кичевски, господин Тимотеј.
Литургијата ќе ја предводи Неговото Блаженство, Архиепископот Охридски и Македонски г.г. Стефан, во сослужение со архијереите од Македонската православна црква – Охридска архиепископија, како и со претставници од други сестрински православни цркви.
Во чест на животот и делото на владиката Тимотеј, Општина Охрид го прогласи денешниот ден за Ден на жалост, изразувајќи почит кон неговиот придонес за православната вера и заедницата.
