Најдобриот македонски таеквондист, Дејан Георгиевски, продолжува да реди успеси на меѓународната сцена, освојувајќи сребрен медал на престижниот БиХ Опен Г1 турнир. Овој успех носи значајни бодови во неговата борба за обезбедување олимписка норма и ја зацврстува неговата позиција меѓу најдобрите таеквондисти во светот.
Од Македонската таеквондо федерација со задоволство истакнаа дека полуфиналната победа на Георгиевски била посебно импресивна. Во оваа борба, со целосна доминација, тој успеал да го елиминира турскиот шампион Бицер, кој во минатото претставувал голем предизвик за македонскиот тим.
„Оваа победа е доказ за напредокот и посветеноста на нашиот тим, како и на Георгиевски, кој е сѐ поблиску до остварување на своите олимписки амбиции,“ истакнаа од федерацијата.
