На 19 мај 2026 година, околу 23:30 часот, на Граничниот премин Стар Дојран, полицијата лиши од слобода две лица поради пронајдена дрога. Станува збор за 32-годишната А.К. од Валандово и 36-годишниот Н.С. од Нов Дојран.
При рутинска контрола на патничко возило „Сеат Атека“ со регистарски ознаки од Гевгелија, кое го управувала А.К., а Н.С. бил сопатник, полицијата пронашла пет пакувања со вкупно 66 пакети марихуана. Дрогата веднаш е одземена.
Јавен обвинител од Основното јавно обвинителство во Гевгелија бил известен за случајот, а лицата се задржани во Полициската станица Гевгелија.
Во рамките на истрагата, СВР Струмица спроведе претреси на повеќе локации, а по целосно расчистување на случајот, против приведените ќе биде поднесена соодветна пријава.
Веста ја пренесува Министерство за внатрешни работи.
