15-годишно момче е во критична состојба по вчерашниот напад со нож од негов врсник во основното училиште „25 Мај“ во скопската населба Ченто. Директорот на Ургентниот центар, д-р Игор Мерџаноски, потврдува дека детето е оперирано и дека неговата здравствена состојба е сериозна.
Полицијата соопшти дека е уапсен 15-годишник кој вчера влегол во училиштето и го нападнал својот врсник, нанесувајќи му повеќе убоди со остар предмет.
„На 11.5.2026 година, во 14:50 часот, полициски службеници од СВР Скопје го лишија од слобода 15-годишниот сторител од Скопје. Акцијата следуваше по претходна пријава од основното училиште на подрачјето на Гази Баба, дека пријавениот влегол во училиштето и со остар предмет му нанел тешки телесни повреди на ученикот. Предметот е одземен, а по целосно документирање на случајот ќе следува соодветна пријава“, соопшти МВР.
Веста ја пренесува Слободен печат.
