Во скопската населба Карпош 4 се случил вознемирувачки инцидент во кој дете било каснато од кучиња скитници во близина на ОУ „Петар Поп Арсов“.
Според сведоштвото на мајката, детето било нападнато од глутница од околу пет кучиња, а во нападот се здобило со повреда на ногата. Таа посочува дека за среќа последиците не биле потешки.
Револтираната мајка јавно реагираше поради, како што наведува, негрижата и слабата реакција на надлежните институции, нагласувајќи дека проблемот со кучињата скитници во населбата трае подолг период.
„Наместо само да се појавуваат за фотографии и јавни настапи, потребно е конечно да преземат конкретни мерки за безбедноста на граѓаните и децата“, порачува таа во својата реакција упатена до локалните власти.
Жителите на населбата веќе подолго време алармираат дека присуството на кучиња скитници околу зградите и училиштата претставува сериозен ризик за безбедноста на минувачите, особено на најмладите.
Веста ја пренесува Skopje1.mk
