Вчера во една филијала за брзи кредити на подрачјето на Бит Пазар се случил инцидент. Маж вооружен со огнено оружје се обидел да изнуди пари од вработената со закана.
Сепак, неговата намера била осуетена благодарение на присебноста на еден клиент кој во тој момент се наоѓал во објектот. По неуспешниот обид за разбојништво, напаѓачот побегнал од местото на настанот.
Од Министерството за внатрешни работи информираат дека се преземаат сите неопходни мерки за целосно расветлување на случајот и за пронаоѓање на сторителот.
