На 21 ноември 2024 година, околу 08:45 часот, во ОВР Прилеп е пријавен инцидент од страна на 25-годишниот Е.Б. од селото Десово, општина Долнени. Според пријавата, во раните утрински часови, околу 03:00 часот, во неговиот двор била фрлена експлозивна направа.
Екипа на ОВР Прилеп веднаш извршила увид на местото на настанот и утврдила дека се работи за фрлена рачна бомба. Од експлозијата е причинета материјална штета, при што биле оштетени неколку прозорци од семејната куќа, како и две патнички возила – „Volkswagen Golf“ и „Opel Corsa“ со прилепски регистарски ознаки, сопственост на Е.Б.
Случајот е под истрага, а надлежните служби работат на утврдување на околностите и пронаоѓање на сторителите.
