Маскирани крадци провалија во замокот Виндзор, каде што престојувале принцот Вилијам, неговата сопруга принцезата Кејт Мидлтон и нивните деца, додека тие спиеле во близина, објави британскиот весник „Сан“ доцна синоќа.
Според достапните информации, провалниците со украдено товарно возило ја пробиле безбедносната ограда на кралскиот имот.
– Тие очигледно биле добро информирани. Знаеле точно каде се наоѓаат возилата и избрале момент кога шансите за фаќање се минимални – изјавил анонимен извор за весникот.
Оваа дрска провала отвори прашања за безбедноста на кралските имоти, особено кога членови на кралското семејство се во близина.
