Брачен пар од американската сојузна држава Кентаки е уапсен повеќе од една година откако пријавиле дека жената доживеала спонтан абортус, а полицијата во близина на нивниот дом подоцна пронашла тело на мртво бебе.
Станува збор за Дин Бенет (27) и Чарлс Бенет (32), кои беа приведени по повеќемесечна истрага за смртта на новороденче од ноември 2024 година, објави американскиот портал „Newsweek“.
Според соопштението на државната полиција на Кентаки, големата порота на крајот од јануари поднела обвинение против двајцата.
Дин Бенет се товари за убиство од небрежност, прикривање материјални докази, сквернавење на мртво тело и прикривање на раѓање на дете.
Нејзиниот сопруг Чарлс Бенет, пак, е обвинет за убиство од небрежност и прикривање на раѓање на дете.
Истрагата започнала на 29 ноември 2024 година, откако итните служби добиле повик за жена која била пренесена во болница поради можен спонтан абортус.
Во здравствената установа, брачниот пар ѝ кажал на полицијата дека бебето останало во нивниот дом. По таа информација, полицајците излегле на терен и во близина на куќата, над еден насип, го пронашле телото на детето.
Лекар на лице место констатирал смрт, по што посмртните останки биле испратени на обдукција.
Државната полиција засега не го соопштила точниот причинител на смртта ниту староста на пронајдените посмртни останки.
Дин и Чарлс Бенет во моментов се наоѓаат во притвор, а нивното прво судско рочиште е закажано за 2 март. Засега не е познато дали ангажирале адвокат.
Фото: Српскаинфо
