Две лица се пронајдени без знаци на живот во гаража од семејна куќа во населбата Шушњари, во близина на Лакташи. Станува збор за лица на возраст од 51 и 28 години.
Случајот бил пријавен во Полициската станица во Лакташи околу 12 часот. По пријавата, полициски екипи веднаш излегле на местото на настанот, каде што во гаражата било пронајдено и огнено оружје.
Увид на местото извршил дежурен обвинител од Окружното јавно обвинителство во Бања Лука заедно со полициски службеници. Надлежните институции започнале истрага со цел да се утврдат сите околности поврзани со настанот.
По наредба на обвинителството, телата ќе бидат испратени на обдукција во Заводот за судска медицина на Република Српска, каде ќе се утврдат точната причина и времето на смртта.
За потребите на истрагата, од местото биле изземени и парафински ракавици за анализа на евентуално присуство на барутни честички, а обвинителството наложило и преземање на дополнителни истражни мерки.
