Фото: Принтскрин
Рускиот министер за надворешни работи, Сергеј Лавров, денес изјави дека Москва со нетрпение очекува да ги слушне предлозите на новоизбраниот претседател на САД, Доналд Трамп, за решавање на кризата во Украина, иако засега не е јасно каков пристап ќе биде предложен.
„Не можам да предвидам како Трамп ќе пристапи кон решавање на кризата, но ќе почекаме да ги видиме неговите идеи. Секој политичар кој се залага за мир, а не за конфликт, заслужува внимание,“ изјави Лавров.
Тој истакна дека моментално немаат информации за потенцијалните предлози, но дека ставот на Русија беше јасно изразен од страна на претседателот Владимир Путин на 14 јуни оваа година.
