Доналд Трамп, на гала свеченост во Мар-а-Лаго, Флорида, каде што го одржа својот прв говор по изборната победа, изјави дека Роберт Кенеди Џуниор е неговиот избор за министер за здравство. Трамп истакна дека Кенеди, познат по својата посветеност на подобрување на јавното здравје, е личноста што ќе ги направи Американците поздрави. Според него, позицијата министер за здравство е една од најважните, а Кенеди, воден од својата страст, активно се бори за подобрување на здравствената состојба на нацијата во изминатите години.
Настанот беше посетен и од повеќе личности кои се очекува да бидат дел од новата влада на Трамп, вклучувајќи ги Илон Маск, Вивек Рамасвами и гувернерот на Јужна Дакота, Даг Бургум, кој е предвиден да ја преземе функцијата министер за внатрешни работи.
Кенеди, син на Роберт Кенеди и внук на поранешниот претседател Џон Кенеди, во последно време го истакнуваше решавањето на „епидемијата на хронични болести“ како дебелина, дијабетес и аутизам како клучни приоритети, додека, исто така, се залага за намалување на хемикалиите во храната, кои ги смета за дел од основните причини за овие здравствени проблеми.
