Според податоците од платформата за следење на квалитетот на воздухот, Скопје утрово се најде на четвртото место меѓу најзагадените градови во светот, односно прв во Европа.
Градови со повисоко ниво на загаденост од македонската престолнина се Лахор во Пакистан, Делхи во Индија и Ханој во Виетнам.
Во моментов, воздухот во Скопје е класифициран како „нездрав“. Концентрацијата на ПМ2,5 честичките е измерена на 74,2 микрограми на еден кубен метар, додека концентрацијата на ПМ10 честичките изнесува 85,5 микрограми на кубен метар.
