Најдобриот српски тенисер, Новак Ѓоковиќ, доби 2,5 метарска статуа, која ја изработи вајарот Борис Стапарац.
Скулптурата, направена од моделиран бетон, го прикажува Ѓоковиќ држејќи рекет и крст, со поглед кон небото.
Стапарац вели дека споменикот симболизира вера, пркос и љубов кон највисоките животни вредности. Тој исто така најавува дека скулптурата ќе биде поставена на одредено место, а ако остане во неговиот двор, ќе стане дел од музејот на скулптури.
„Веќе знам каде треба да биде поставен, бидејќи сите ние сме поврзани со некои небесни сили, и некој ќе дојде по него. Ако остане кај мене, мојата желба е мојот двор еден ден да стане музеј на скулптури, па таму ќе му биде место“, вели вајарот.
Навивачите не се воодушевени од статуата, па еден од нив праша дали преку неа е претставен некаков гладијатор.
