Во општина Бутел ќе биде изграден нов спортско-рекреативен центар наречен „Радишани“, кој ќе се наоѓа во истоимената населба, во дворот на основното училиште „Ацо Шопов“.
Овој центар ќе зафаќа површина поголема од 5.000 квадратни метри и ќе нуди разновидни спортски и рекреативни содржини. Во рамките на проектот ќе се изгради современо фудбалско игралиште со вештачка трева, а ќе се постави и нова метална ограда, како и лед-осветлување.
Дополнително, во центарот ќе има обновено баскет-игралиште со специјализирана подлога, како и модерно детско игралиште со нови содржини и мека подлога за безбедност на децата.
