Синоќа во Арачиново имаше нова престрелка, при што едно лице загина, а друго беше потешко повредено, по што Дежурен јавен обвинител од Основното јавно обвинителство Скопје изврши увид.
„Се преземаат сите потребни мерки за расветлување на настанот. Од местото на настанот се собрани траги и материјални докази, обезбедени се и се анализираат снимки од видео надзор, а на телото на починатиот ќе биде извршена обдукција. Првичните информации укажуваат на неразрешени должничко-доверителски односи како можен мотив за нападот, при што еден од сторителите е лишен од слобода, а за другиот се трага“, соопштуваат од ОЈО Скопје.
Вчера околу 19 часот од Ургентниот центар „Мајка Тереза“ во СВР Скопје е пријавено дека со повреди од огнено оружје биле донесени С.А. и А.А. од Арачиново.
