На 1 ноември, 23-годишниот Ш.Ш. и 31-годишниот Е.Ш., двајцата жители на скопското село Арачиново, го лишиле од живот 56-годишниот С.А., исто така од Арачиново, и го раниле 20-годишниот Х.А., кој е жител на истото село.
Според информациите од Министерството за внатрешни работи, истрагата покажала дека нападот бил извршен од автомобил „Ауди А5“ со скопски регистарски таблички, кој бил во сопственост на Е.Ш. Возилото било пронајдено и одземено од страна на полицијата.
„На 02.11.2024 од страна на ЕНК-ОКСД во координација со ОЈО Скопје поднесена е кривична пријава по брза постапка против Ш.Ш. за кривично дело „убиство” предвидено и казниво по член 123 од КЗ и кривично дело „убиство” предвидено и казниво по член 123 во врска со член 19 од КЗ и кривична пријава против Е.Ш. за кривично дело „убиство” предвидено и казниво по член 123 во врска со член 22 од КЗ и кривично дело „убиство” предвидено и казниво по член 123 во врска со член 19 во врска со член 22 од КЗ, при што Е.Ш. е лишен од слобода, а Ш.Ш. е во бегство и се преземаат мерки за негово пронаоѓање“, соопшти МВР.
