Пратеничката од ВМРО-ДПМНЕ, Жаклина Пешевска, заедно со колеги и поддржувачи од партијата, сподели фотографија на социјалните мрежи на која се гледаат колачи, со јасна порака упатена до лидерот на ДУИ, Али Ахмети.
„Мекици веќе не се во тренд, сега е време за кекси – послатко оди тоа. Кичево е Македонија!“, напиша Пешевска, alудирајќи на изборната победа на ВМРО-ДПМНЕ во Кичево.
Нејзината објава се смета како духовита политичка реакција на минатогодишната изјава на Ахмети, кој на Христијан Мицкоски му порача: „Растен си со гурабии и кекси, внимателно со зборовите.“
Фотографијата и пораката на Пешевска предизвикаа бурни реакции на социјалните мрежи, а симпатизерите на ВМРО-ДПМНЕ ја поздравија како остроумна реакција по големата победа во Кичево.
