Фото: Принтскрин
Премиерот на Република Македонија, Христијан Мицкоски најави дека по завршувањето на локалните избори ќе биде објавен јавен повик за финансиски институции кои ќе понудат кредитни решенија за болниците во Штип, Тетово и Кичево.
Мицкоски, дополнително, откри дека следниот чекор ќе биде заеднички проект со партнери од Обединетото Кралство, насочен кон изградба на нов клинички центар во Скопје.
Како идеална локација ја спомена ГОБ „8 Септември“, а притоа посочи зошто тоа место е добро за нов клинички центар.
„Навистина овде изгледа како одлична можност и локација – три булевари, гасна поврзаност, сообраќајна поврзаност“, вели Мицкоски.
