Советниците од мнозинството на Општина Куманово донесоа одлука бесплатниот јавен превоз во Куманово да продолжи до крајот на оваа година.
Ова е трето продолжување на мерката за субвенционирање на превозот во 2024 година, откако претходно мерката беше продолжувана два пати, а таа важеше и за целата 2023 година.
Во следните два месеца, од општинскиот буџет ќе бидат исплатени 11 милиони денари (околу 180.000 евра) на приватните превозници, од кои 10 милиони денари ќе бидат наменети за превозот во рамките на Општина Куманово, а 1 милион за меѓуопштински превоз до Општина Старо Нагоричане.
За целата година, вкупниот трошок изнесува 1,2 милиони евра. Општината за субвенционирање на градскиот превоз во последните две години потроши над 2,2 милиони евра.
